شرح درس المفعول لأجله
الرئيسيةأحدث الصورالتسجيلدخول

شاطر|

شرح درس المفعول لأجله

استعرض الموضوع التالي استعرض الموضوع السابق اذهب الى الأسفل
كاتب الموضوعرسالة
محمد رأفت الجندى
{..محمد رأفت الجندى..}
الدعم الفنى
الدعم الفنى

عدد المساهمات : 230
تاريخ التسجيل : 31/03/2011




مُساهمةموضوع: شرح درس المفعول لأجله شرح درس المفعول لأجله  Icon_minitimeالأحد يناير 14, 2018 7:07 am   #1


شرح درس المفعول لأجله

المفعول لأجله : اسم منصوب يذكر بعد الفعل ليبين سبب حدوث الفعل وعلامة نصبه الفتحة ???? بتضحك على ايه ???? مش فاهم حاجة خالص ???????? طب شوف ????

الخلاصة
( اسم منصوب بالفتحة ) لأن فى شرح درس المفعول به قلنا اول ماتقول مفعول تقول منصوب تمام كده .
نسأل عنه ب ( لماذا ) ودى معنى سبب حدوث الفعل يعنى بتعمل الفعل ( عشان ) حاجة
أهم حاجة بقى ودى ركز فيها اوى ( بعده جار ومجرور) يعنى هتلاقى بعده حرف جر واسم مجرور ???? بتضحك تانى ليه بقى أصل فرحان بأسنانى ????
نشوف أمثلة
أذاكر دروسى أملا في النجاح
نشترى القصص حبا فى القراءة
أتصدق طمعا فى ثواب الله

شرح الأمثلة
المثال الأول
أذاكر دروسى أملا فى النجاح
جملة فعلية نفتكر أن الجملة الفعلية تتكون من فعل وفاعل وممكن مفعول به
أذاكر فعل مضارع مرفوع بالضمة . نسأل بمن عشان نجيب الفاعل
مين اللى بيذاكر ( أنا ) طيب انا موجودة بعد الفعل أذاكر لا
يبقى الفاعل ضمير مستتر تقديره أنا . عارف هتقول يعنى ايه ضمير مستتر يعنى مش ظاهر بعد الفعل مش موجود.
طب بتذاكر ايه دروسى تبقى هى المفعول به منصوب بالفتحة
يبقى أذاكر فعل مضارع والفاعل مستتر تقديره أنا ودروسى مفعول به .
أملا بقى تتعرب ايه ؟ شوف خلى بالك وانت بتقرأ الكلمة أصلا هتبين سبب مذاكرتك لدروسك وطالما بينت السبب تبقى مفعول لأجله منصوب بالفتحة ???? حد يقولى قولى بقى كلام أفهمه ????
تمام انت بتذاكر دروسك ليه هتقولى عشان أنجح هى دى بقى ( عشان ) اللى بينت السبب اللى هى ( لماذا)
حد يقولى كلامك كتير اوى قولى الخلاصة ???? بأسنانك دى ????

المثال الثانى هيوضح أكثر
نشترى القصص حبا فى القراءة
نشترى فعل مضارع مرفوع بالضمة مين اللى بيشترى مين ماشى مين انا اللى ب سأل نشترى يعنى بنتكلم عن نفسنا يبقى الفاعل مش موجود طب فين طيب يمكن القطة أكلته ???? اطلع بره الفصل يابيه ???? قبل ما اطلع الفاعل فين ضمير مستتر تقديره نحن
ماذا تشترى القصص مفعول به منصوب بالفتحة
طب ب تشترى القصص ليه عشان حبا فى القراءة
حبا مفعول لأجله منصوب بالفتحة
الخلاصة

لو جيت تلاحظ هتلاقى المفعول لأجله بيكون بعده حرف جر واسم مجرور وهتسال عنه لماذا وهتلاقيه منصوب بالفتحة ومن أكثر الكلمات اللى بتقابلك فى الامتحان بتكون مفعول لأجله ( أملا - رغبة ) بس مش عاوز حفظ وخلاص متنساش تشوف بعدها حرف جر واسم مجرور ولا لا بس كده ????

تدريب
عين المفعول لأجله فى الأمثلة

أواظب على المذاكرة طمعاً فى التفوق
أصلى دائما تقربا إلى الله
أحترم أبى اعترافا بفضله
نحرص على العمل طلبا الرقى

كده الدرس خلص وان شاء الله الدرس القادم المفعول المطلق





الموضوع الأصلى : شرح درس المفعول لأجله المصدر : منتديات رأفت الجندى الكاتب : محمد رأفت الجندى


{.... توقيع محمد رأفت الجندى ....}

شرح درس المفعول لأجله

استعرض الموضوع التالي استعرض الموضوع السابق الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الجندى التعليمية - مدرسة البارودية - رأفت الجندى :: المرحلة الابتدائية :: الصف الخامس الإبتدائى :: الترم الثانى :: اللغة الانجليزية-
جميع الحقوق محفوظه لمنتدياتـ رأفت الجندى raafat2.hooxs.com©. تصميم وتطوير :ابنـ الاسلامـالرئيسيه |اتصل بنا  | احصائيات |الاعلى