شرح درس (المضاف إليه)
الرئيسيةأحدث الصورالتسجيلدخول

شاطر|

شرح درس (المضاف إليه)

استعرض الموضوع التالي استعرض الموضوع السابق اذهب الى الأسفل
كاتب الموضوعرسالة
محمد رأفت الجندى
{..محمد رأفت الجندى..}
الدعم الفنى
الدعم الفنى

عدد المساهمات : 230
تاريخ التسجيل : 31/03/2011




مُساهمةموضوع: شرح درس (المضاف إليه)  شرح درس (المضاف إليه)  Icon_minitimeالأربعاء فبراير 07, 2018 6:59 pm   #1


بسم الله والصلاة والسلام على سيدنا رسول الله وعلى آله وصحبه وسلم

شرح درس (المضاف إليه)

المضاف إليه هو اسم مجرور يوضح الاسم الذى قبله ويخصصه
وطالما قلت مجرور تبقى عارف انه مجرور بالكسرة أو الياء ????
يعنى لو لقيت آخر الكلمة ين يبقى مجرور بالياء شرط احذف ين
تعطى المفرد معلمين قصتين ????
طيب ويعنى ايه يوضح الاسم اللى قبله ويوضحه الأمثلة هتوضح

باب الفصل مفتوح
نشاط الفلاحين ظاهر
قرأت كتاب العلوم
نشرب من نهر النيل
حضر جميع الطلاب
العصفور فوق الشجرة
أحب قلوب المساكين

المثال الأول باب الفصل مفتوح
باب مبتدأ أسأل بماله علشان الخبر الفصل مش فهمت حاجة باب الفصل ماله مفتوح تبقى مفتوح هى الخبر وبعدين بقى الفصل إعرابها ايه واحد يقولى مضاف إليه عرفت ازاى بقى عرفت علشان انت بتشرح درس المضاف اليه ????????
الفصل مضاف إليه مجرور وعلامة جره الكسرة علشان مفيش آخره ين

الخلاصة قبل ما أكمل شرح الأمثلة كلمة السر فى المضاف اليه ( بتاع مين) ???? ازاى مش فاهم ????
باب بتاع مين ( الفصل ولا المدرسة ولا المكتب ولا البيت) عرفت بقى يعنى ايه أن المضاف اليه يحدد ويخصص ماقبله

المثال الثانى
نشاط الفلاحين ظاهر
نشاط مبتدأ أسأل بماله الفلاحين مش فهمت حاجة نشاط الفلاحين ماله ظاهر تبقى ظاهر هى الخبر
طيب والفلاحين نشاط بتاع مين الفلاحين يبقى الفلاحين مضاف إليه مجرور وعلامة جره لحظة آخره ين yes تنفع نحذفها ايوة وتعطى المفرد تبقى مجرور بالياء

المثال الأخير
أحب قلوب المساكين
أحب فعل والفاعل مستتر تقديره انا ماذا تحب قلوب مفعول به منصوب بالفتحة
طيب والمساكين قلوب بتاعة مين المساكين
تبقى المساكين مضاف إليه مجرور وعلامة جره لحظة حد يقولى علامة جره الياء ???? ليه كده ماانت قاعد تأكل لبنان هو انت قاعد فى حنة☺
المساكين مضاف إليه مجرور بالكسرة لأن لو حذفت ين هتبقى المساك ومش هتنفع????

ملاحظات
أى كلمة تأتى بعد هذه الكلمات تعرب مضاف اليه( جميع - كل - غير - سوى - بعض) حضر جميع الطلاب الطلاب مضاف اليه

أى كلمة بعد ظرف المكان تعرب مضاف إليه ( فوق الغصن - تحت الكرسى - أمام التلاميذ - وسط الحقول)

أى ضمير يتصل باسم بيكون مضاف اليه( قلمه قلمك )
الهاء اللى فى قلمه

الخلاصة
المضاف اليه مجرور بالكسرة أو الياء
المضاف اليه بعرفه من كلمة( بتاع مين )
نكرة +معرفة تعطى مضاف إليه
طيب يعنى ايه نكرة يعنى كلمة مفيش فيها ال زى كتاب قلم
ويعنى ايه معرفة
كلمة بها ال الكتاب القلم
كلمة بها ضمير متصل كتابه علشان انا قصدى كتاب حد معين
اسماء البلاد معرفة مصر فلسطين
أسماء الأشخاص معرفة محمد منى

نهر النيل قناة السويس كتاب التلميذة كتاب محمد علم مصر
(النيل السويس التلميذة محمد مصر ) مضاف إليه مرور بالكسرة





الموضوع الأصلى : شرح درس (المضاف إليه) المصدر : منتديات رأفت الجندى الكاتب : محمد رأفت الجندى


{.... توقيع محمد رأفت الجندى ....}

شرح درس (المضاف إليه)

استعرض الموضوع التالي استعرض الموضوع السابق الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الجندى التعليمية - مدرسة البارودية - رأفت الجندى :: المرحلة الابتدائية :: الصف السادس الإبتدائى :: الترم الثانى :: اللغة العربية-
جميع الحقوق محفوظه لمنتدياتـ رأفت الجندى raafat2.hooxs.com©. تصميم وتطوير :ابنـ الاسلامـالرئيسيه |اتصل بنا  | احصائيات |الاعلى