الدعم الفنى
عدد المساهمات : 230 تاريخ التسجيل : 31/03/2011
|  موضوع: درس المفعول المطلق  الأربعاء فبراير 07, 2018 7:04 pm | #1 |
| درس المفعول المطلق
اسم منصوب مأخوذ من لفظ الفعل
أحب (حبا ) كتب (كتابة) قرأ (قراءة) أحترم ( احتراما )
طبعا اللى بين الأقواس المفعول المطلق
بالنسبة لاعرابه مفعول مطلق منصوب وعلامة نصبه الفتحة
فيه بس ملاحظة خلى بالك منها
المفعول المطلق له نوعان ????
(مؤكد للفعل - مبين للنوع ) خلى بالك فيه نوع ثالث مش عليك الوقتى
شوف المثالين دول وانت لوحدك هتعرف نوع المفعول المطلق ????
المثال الأول أحترم المعلم احتراما
المثال الثانى أحترم المعلم احتراما شديدا
ايه اللى انت شايفة فى المثالين دول ???? حد يقولى مش شايف حاجة ???? هقولك تاخد نضارتى ????????
المهم المثال الأول أحترم احتراما ووقفت لحد كده ده يبقى مؤكد للفعل تمام كده
المثال الثانى أحترم احتراما شديدا هنا بقى وصفت الاحترام بأنه شديد وهى بقى مبين للنوع ركز فى حتة وصفت دى ????
حد يقولى ( قفز القرد قفزتين) هنا قفزتين مفعول مطلق بس مبين للعدد وده مش عليك ????
أمثلة
استخرج المفعول المطلق وبين نوعه
انطلق الصاروخ انطلاقا
تنافس اللاعبون تنافسا شريفا
أستخدم الكمبيوتر استخداما صحيحا
أحب القراءة حبا
أخر ملحوظة
سؤال يقولى اجعل كلمة ( احتراما ) مرة مفعولا مطلق ومرة مفعول لأجله فى جملة من عندك
أحترم أبى احتراما كده مفعول مطلق
أقف احتراما لأبى كده مفعول لأجله خلى بالك جبت بعده جار ومجرور
كده خلصنا درس المفعول المطلق
يارب يكون الشرح مفيد
====================================================
بسم الله والصلاة والسلام على سيدنا رسول الله وعلى آله وصحبه وسلم
شرح درس المفعول لأجله ☺
المفعول لأجله : اسم منصوب يذكر بعد الفعل ليبين سبب حدوث الفعل وعلامة نصبه الفتحة ???? بتضحك على ايه ???? مش فاهم حاجة خالص ???????? طب شوف ????
الخلاصة
( اسم منصوب بالفتحة ) لأن فى شرح درس المفعول به قلنا اول ماتقول مفعول تقول منصوب تمام كده .
نسأل عنه ب ( لماذا ) ودى معنى سبب حدوث الفعل يعنى بتعمل الفعل ( عشان ) حاجة
أهم حاجة بقى ودى ركز فيها اوى ( بعده جار ومجرور) يعنى هتلاقى بعده حرف جر واسم مجرور ???? بتضحك تانى ليه بقى أصل فرحان بأسنانى ????
نشوف أمثلة
أذاكر دروسى أملا في النجاح
نشترى القصص حبا فى القراءة
أتصدق طمعا فى ثواب الله
شرح الأمثلة
المثال الأول
أذاكر دروسى أملا فى النجاح
جملة فعلية نفتكر أن الجملة الفعلية تتكون من فعل وفاعل وممكن مفعول به
أذاكر فعل مضارع مرفوع بالضمة . نسأل بمن عشان نجيب الفاعل
مين اللى بيذاكر ( أنا ) طيب انا موجودة بعد الفعل أذاكر لا
يبقى الفاعل ضمير مستتر تقديره أنا . عارف هتقول يعنى ايه ضمير مستتر يعنى مش ظاهر بعد الفعل مش موجود.
طب بتذاكر ايه دروسى تبقى هى المفعول به منصوب بالفتحة
يبقى أذاكر فعل مضارع والفاعل مستتر تقديره أنا ودروسى مفعول به .
أملا بقى تتعرب ايه ؟ شوف خلى بالك وانت بتقرأ الكلمة أصلا هتبين سبب مذاكرتك لدروسك وطالما بينت السبب تبقى مفعول لأجله منصوب بالفتحة ???? حد يقولى قولى بقى كلام أفهمه ????
تمام انت بتذاكر دروسك ليه هتقولى عشان أنجح هى دى بقى ( عشان ) اللى بينت السبب اللى هى ( لماذا)
حد يقولى كلامك كتير اوى قولى الخلاصة ???? بأسنانك دى ????
المثال الثانى هيوضح أكثر
نشترى القصص حبا فى القراءة
نشترى فعل مضارع مرفوع بالضمة مين اللى بيشترى مين ماشى مين انا اللى ب سأل نشترى يعنى بنتكلم عن نفسنا يبقى الفاعل مش موجود طب فين طيب يمكن القطة أكلته ???? اطلع بره الفصل يابيه ???? قبل ما اطلع الفاعل فين ضمير مستتر تقديره نحن
ماذا تشترى القصص مفعول به منصوب بالفتحة
طب ب تشترى القصص ليه عشان حبا فى القراءة
حبا مفعول لأجله منصوب بالفتحة
الخلاصة
لو جيت تلاحظ هتلاقى المفعول لأجله بيكون بعده حرف جر واسم مجرور وهتسال عنه لماذا وهتلاقيه منصوب بالفتحة ومن أكثر الكلمات اللى بتقابلك فى الامتحان بتكون مفعول لأجله ( أملا - رغبة ) بس مش عاوز حفظ وخلاص متنساش تشوف بعدها حرف جر واسم مجرور ولا لا بس كده ????
تدريب
عين المفعول لأجله فى الأمثلة
أواظب على المذاكرة طمعاً فى التفوق
أصلى دائما تقربا إلى الله
أحترم أبى اعترافا بفضله
نحرص على العمل طلبا للرقى | {.... توقيع محمد رأفت الجندى ....} | |
|
|
