مدير
عدد المساهمات : 1703 تاريخ التسجيل : 21/01/2011 العمر : 64 الموقع : www.raafat2.com
|  موضوع: نصائح مهمة لمعلمى الدروس الخصوصية الجدد  الجمعة فبراير 23, 2018 5:06 am | #1 |
| نصائح مهمة لمعلمى الدروس الخصوصية الجدد
نصائح مهمة لمعلمى الدروس الخصوصية الجدد :-
اذا كنت من معلمى الدروس الخصوصية فاتبع تلك النصائح حتى تنجح فى عملك
1-الهيبة والشخصية اهم من المادة العلمية
2- ادخل بيوت الناس اعمى واطرش وعامل الناس باحترام لان سمعتك هى الاساس
3-خلى بالك من البنات دائما يضعوك تحت الاختبار ولما تغلط يفضحوك ويقف حالك
4-لازم تركز على التسميع والواجب والطالب اللى ما يحفظ اخلص منه وبناقص فلوسه لانه حيعملك شماعة فشله ويسوىء سمعتك
5-لاتجعل المال همك فى البداية حتى تثبت امكانياتك
6- لازم تتطلع وتعرف معلومات وتجدد فى شغلك وتطوره واقرا مذكرات الاخرين لكة تتطلع بمعلومات اكثر واعمل تدريبات كثيرة علشان الطلاب يتفوقوا لان اللغة قائمة على الممارسة
7- لاتذم فى غيرك ولا تتحدث عن نفسك والا حتسقط من نظر الطلاب
8-بلاش تجامل الفتيات باالغزل انت حلوة ولبسك شيك حيدمروا سمعتك
9-لو لقيت مدرس معاك فى المكان بيرزل ويقل من قيمتك امام الطلاب ويضاربك فى المواعيد سيب المكان انت الكسبان
10- لو دخلت بيت لقيت فيه حركات مريبه وصاحبه مش متواجد بناقص الدرس ده بدل ماتقع فى مصائب لايمكن تداركها مستقبلا
11-لو طالب شاطر وماديا تعبان اشتغل معاه احسن من فاشل مستريح ماديا
12-لاترهق نفسك فى العمل على حساب صحتك واسرتك والا ستخسر كل شىء
13-لازم تعمل فاصل بينك وبين الطلاب والا ستضيع هيبتك ومحدش حيعملك اعتبار ولا حيذاكر ولا حيعملك الواجب ويكون مصيرك الفشل
14-راعى ضميرك فى الشرح والوقت والمواعيد والا الفلوس تبقى حرام
15-ممنوع اكراه الطلاب على الدرس تبقى الفلوس حرام
16 بعض الطلاب فاكرين الدرس رشوة لانجاحهم بدون وجه حق فهمهم انك بتاخد فلوس مقابل شرح والنتيجة ملكش دعوة بيها متوقفه على اجتهادك
17- خلى بالك من نظراتك وتصرفاتك داخل المنازل او مع البنات فائقات الجمال حتتحسب عليك والبنات دائما يحكوا على المدرسين
18-علشان تنجح خليك صامت دائما تتجنب المشاكل وتنتشر سريعا
19- اهتم بمظهرك دائما وسلوكك اهم من المظهر
20- لا ترخص من نفسك حتى لو محتاج الدرس ربنا سيعطيك البديل لان الرزق ثابت ومقدر لا تتنازل عن كرامتك من اجل المال | {.... توقيع رأفت الجندى ....} | |
|
|
