هل يجوز لمدير المدرسة تكليف الحاصلين على أجازة بعض الوقت من الحضور في ايام امتحانات النقل في غير الايام المخصصة لهم؟

تاريخ التسجيل : 21/01/2011

هل يجوز لمدير المدرسة تكليف الحاصلين على أجازة بعض الوقت من الحضور في ايام امتحانات النقل في غير الايام المخصصة لهم؟

هل يجوز لمدير المدرسة تكليف الحاصلين على أجازة بعض الوقت من الحضور في ايام الامتحانات النقل في غير الايام المخصصة لهم؟
طبعا يا جماعة الرد على هذا الموضوع ممكن يكون سهل جداً
بس لو فكرنا كل ما في الامر ان اكبر مدة امتحان نقل بالنسبة للمرحلة الابتدائية والاعدادية هي اربع ايام مثلا ومش مشكلة لو اشتغلتهم كلهم يا اساتذة
الامتحانات أمن قومي يا سادة
في حين انك معترض او معترضه ان المدير بيكلفك بيوم زيادة او يومين زيادة بحضورك ايام الامتحانات
وحضرتك كاتب اسمك في نفس الوقت في استمارة واحد سري لامتحانات الشهادات لتنتدب المدة كاملة وطبعا مش هينفع تروح ايام وتقول في ايام انت فيها اجازة
على العموم ممكن قوى مدير المدرسة يرفض يكتب اسشمك في استمارة واحد سري ومن حقه علشان حضرتك حاصل على اجازة بعض الوقت
ولو قلنا كده للاسف حضراتكم هتشتكوا ليه المديرين مش عايزين يكتبوكم في واحد سرى
معلهش يا جماعة انا عارف ان دي حالات شاذة وفعلا في ناس محتاجه اليوم بس بردوا ما تنساش بردوا المدرسة محتاجاك ودي امتحانات وامن بلد
والبلد هي اللى منحتك ميزة الحصول على اجازة بعض الوقت
من الآخر مش هتفرق يوم ولا يومين في العام هتحضرهم
انا اعلم بأنك تسعى للاصلاح اكثر منى
يا جماعة ما تزعلوش منى بس صراحة الموضوع ده بيزعلنى
عامل زي ما باذهب لمدرسة والاقي شكاوي ان مدير المدرسة قفل على شخص معين ولما اسأل من غير ما المدير يعرف أجد ان المدير منح للجميع يوم راحة في الاسبوع والاستاذ فلان اتقفل عليه في يوم الراحة بسبب وجود لجنة والمشكلة ان الاستاذ فلان بيشتكي يعني غاب كذا مرة والمدير جامله اكثر من مرة وعلى يوم اتقفل عليه اشتكي المدير
اه فيه الحاجات دي في المدارس
واحنا عارفين وساكتين وبنعديها كدها علشان الدنيا تمشي واللى يقول غير كده معلهش يبقى بيضحك على نفسه
انتوا عارفين في ناس كتير فاكرين ان اجازة نصف العام واخر العام للطلبة والمعلمين مش للطلبة فقط
ولما تحضر المدرسة الساعة الثامنة ونصف يقولوا لك يا استاذ احنا في اجازة طبعا احنا مش عارفين يعني ايه اجازة
انتوا عارفين مشكلتنا ايه ان احنا مش عايزين نعترف بالواقع
خلينا كده نحلم بماضي مش طايلينه ومستقبل مش عارفينه
أ/ سعيد حماد

الموضوع الأصلى : هل يجوز لمدير المدرسة تكليف الحاصلين على أجازة بعض الوقت من الحضور في ايام امتحانات النقل في غير الايام المخصصة لهم؟ المصدر : منتديات رأفت الجندى الكاتب : رأفت الجندى