الدعم الفنى
عدد المساهمات : 230 تاريخ التسجيل : 31/03/2011
|  موضوع: شرح درس علامات إعراب الفاعل  الأحد ديسمبر 17, 2017 6:57 pm | #1 |
| شرح درس علامات إعراب الفاعل
==============
حضر المعلم
حضر المعلمان
حضر المعلمون
حضر الأطباء
حضرت المعلمات
المثال الأول ( حضر المعلم)
حضر فعل ماضى مبنى على الفتح إعرابها مش عليك الوقتى
اول ماننطق الفعل اسال ب(من ) علشان تعرف الفاعل من اللى حضر المعلم يبقى هو الفاعل
المعلم فاعل مرفوع وعلامة رفعه الضمة لأنه مفرد
المثال الثانى ( حضر المعلمان )
حضر فعل ماضى مبنى
المعلمان فاعل مرفوع وعلامة رفعه أستنى لحظة شوف آخر الكلمة هتلاقى ( ان) يبقى علامة رفعه الألف لأنه مثنى
المثال الثالث ( حضر المعلمون)
حضر فعل ماضى مبنى مين اللى حضر المعلمون يبقى هى الفاعل
المعملون فاعل مرفوع وعلامة رفعه استنى لحظة شوف آخر الكلمة ( ون) يبقى علامة رفعه الواو لأنه جمع مذكر سالم
المثال الرابع ( حضرت المعلمات)
حضرت فعل ماضى والتاء تاء التأنيث مين اللى حضرت المعلمات يبقى هى الفاعل
المعلمات فاعل مرفوع وعلامة رفعة استنى شوف آخر الكلمة ( ات) فيه (ان)أو ( ون ) لا طبعا يبقى علامة رفعه الضمة
المثال الخامس( حضر الاطباء)
حضر فعل ماضى مبنى على الفتح مين اللى حضر الأطباء تبقى الفاعل
الأطباء فاعل مرفوع وعلامة رفعه أصبر لحظة آخر الكلمة ( أن ) أو (ون) no يبقى علامة رفعه الضمة
ملحوظة مهمة جدا
الإنسان بارع كلمة الإنسان هنا مبتدأ مرفوع بالضمة
واحد يقولى ازاى انت مش لسه قايل لو آخره ( أن ) يبقى مرفوع بالألف هقولك اسمها انت انت اسمها حضرتك???? شرط ان تكون مرفوعه بالألف أن تكون مثنى يعنى لو حذفت ( ان) تكون الكلمة مفرد المعلمان لو حذفت (ان) تبقى المعلم إنما الإنسان لو حذفت ( أن ) مش هتنفع
خلاصة القاعدة
المفرد وجمع التكسير وجمع المؤنث السالم يرفع بالضمة
المثنى يرفع بالألف وجمع المذكر السالم يرفع بالواو
غنى معايا (ان) تبقى الألف (ون) تبقى الواو
لو مغيش تبقى الضمة يعنى لو مفيش آخر الكلمة (أن أو ون) | {.... توقيع محمد رأفت الجندى ....} | |
|
|
