الدعم الفنى
عدد المساهمات : 230 تاريخ التسجيل : 31/03/2011
|  موضوع: شرح درس الأسماء الخمسة الصف السادس الابتدائى  الخميس يناير 18, 2018 7:47 pm | #1 |
| بسم الله والصلاة والسلام على سيدنا رسول الله وعلى آله وصحبه وسلم
شرح درس الأسماء الخمسة الصف السادس الابتدائى
الأسماء الخمسة
( أب أخ حم فو ذو )
ملاحظة (حم ) أقارب الزوج أو الزوجة
(فو ) فم
علامات إعرابها ????
( و ا ى ) ترفع بالواو تنصب بالألف تجر بالياء
طبعا بشروط ????
الشرط الاول ????
أن تكون مفردة ومضافة لغير ياء المتكلم ???? مش فاهم
شوف ياسيدى ( أخوك أباك حميك فاه ) كده مفردة ومضافة
والإضافة هنا الكاف اللى فى كلمة ( أخوك أباك حميك ) والهاء اللى فى كلمة ( فاه ) ???? مش الترم الاول قلنا قاعدة ( أى ضمير يتصل باسم فى محل جر مضاف إليه )????
طيب يعنى ايه لغير ياء المتكلم ????
يعنى كلمة ( أخى أبى ) مش من الأسماء الخمسة عشان الياء هنا ياء المتكلم
أفرض بقى كانت مثنى أو جمع ( أبوان أو آباء ) مش من الأسماء الخمسة لأن شرطها أن تكون مفردة
الشرط الثانى????
أن تحذف الميم من كلمة (فم )
يعنى (فوك فك فيك ) كده من الأسماء الخمسة
إنما ( فمك ) ليست من الأسماء الخمسة لأن الميم لم تحذف
الشرط الثالث ????
كلمة (ذو) تكون بمعنى صاحب
يعنى لو حذفت ذو ووضعنا صاحب المعنى لم يتغير ???? شوف المثال وانت تفهم
أخوك ذو علم - أن أباك ذا خلق هنا ذو معناها عنده خلق أو علم
ملحوظة أى كلمة بعد ذو ذا ذى تعرب مضاف إليه
أخوك ذو علم علم هنا مضاف إليه
أفرض بقى ( ها هو ذا معلم اللغة العربية) ذا هنا بقى اسم إشارة مش من الأسماء الخمسة ????
الشروط تانى بقى بسرعة كده
مفردة / مضافة لغير ياء المتكلم / ذو بمعنى صاحب / تحذف الميم من كلمة فم
نشوف أمثلة
أخوك مجتهد
إن أخاك مجتهد
سلمت على أخيك
شرح الأمثلة
أخوك مجتهد جملة اسمية تحتاج إلى مبتدأ وخبر
أخوك : مبتدأ مرفوع وعلامة رفعه الواو لأنه من الأسماء الخمسة والكاف ضمير مينى فى محل جر مضاف إليه
نسأل ب ( ماله) نجيب الخبر أخوك ماله مجتهد انا فهمت انه مجتهد
مجتهد : خبر مرفوع وعلامة رفعه الضمة
إن أخاك مجتهد
إن : حرف ناسخ وأول ما تنطق إن وأخواتها لازم تدور عل اسم وخبر لها
أخاك اسم ان منصوب بالألف لأنه من الأسماء الخمسة والكاف ضمير مبنى فى محل جر مضاف إليه
أخاك ماله مجتهد
مجتهد خبر إن مرفوع بالضمة
سلمت على أخيك
هنا جملة فعلية تتكون من فعل وفاعل
سلمت : فعل ماض مبنى على السكون نسأل ب من عشان نجيب الفاعل مين اللى سلم المفروض بتكلم عن نفسى يبقى التاء إللى فى آخر الفعل هى الفاعل والتاء ضمير مبنى فى محل رفع فاعل
على : حرف جر
أخيك : اسم مجرور وعلامة جره الياء لأنه من الأسماء الخمسة والكاف ضمير مبنى فى محل جر مضاف إليه
الخلاصة
الأسماء الخمسة
أب أخ حم فو ذو
إعرابها ( واى ) افتكرها بالكلمة دى
ترفع بالواو تنصب بالألف تجر بالياء
شروطها
مفردة مضافة لغير ياء المتكلم ذو بمعنى صاحب تحذف الميم من فم
ملاحظات مهمة ????????
هذا أبى أبى خبر مرفوع بالضمة عشان الإضافة هنا ياء المتكلم
أنتم ذوو خلق ذوو خبر مرفوع بالواو بس مش من الأسماء الخمسة ???? لأن اتفقنا لازم تكون مفرد ذو إنما ذوو علم جمع
انت ذو علم للمثنى أنتما ذوا علم ذوا هنا مثنى بردة مش من الأسماء الخمسة
سؤال اجعل كلمة ( فم ) تعرب بالحركات مرة والحروف مرة أخرى
الحركات ( فمك طاهر) فمك مبتدأ مرفوع بالضمة وهنا مش من الأسماء الخمسة عشان الميم ومعنى إعرابها بالحركات ( ترفع بالضمة تنصب بالفتحة تجر بالكسرة
الحروف ( فوك طاهر) فوك مبتدأ مرفوع بالواو هنا من الأسماء الخمسة عشان الميم اتحذفت ومعنى إعرابها بالحروف ( ترفع بالواو ونصب بالألف وتجر بالياء | {.... توقيع محمد رأفت الجندى ....} | |
|
|
