شرح درس المفعول به

تاريخ التسجيل : 31/03/2011

شرح درس المفعول به
بسم الله والصلاة والسلام على سيدنا رسول الله
المفعول به هو من وقع عليه الفعل مش فاهم طيب ونسأل عنه ب(ماذا) بقولك مش فاهم ????
المثال ده هيفهمك
يقرأ أحمد القصة
يقرأ فعل من اللى بيقرأ أحمد يبقى فاعل طيب ايه اللى اتقرا القصة تبقى مفعول به عرفت بقى يعنى ايه من وقع عليه الفعل إما المثال ده يعنى القصة اللى اتقرات
طيب ويعنى ايه نسأل عنه بماذا هى هى ياسيدى يعنى ماذا يقرأ أحمد ؟ القصة بس كده تبقى مفعول به
مثال ثانى
أكل الولد التفاحة
أكل فعل من اللى أكل الولد تبقى فاعل ايه اللى أتأكل التفاحة تبقى مفعول به باللغة العربية بقى (ماذا أكل الولد؟)
حتة حلوة اوى اول ما تنطق مفعول تبقى منصوب
قول معايا مفعول منصوب مفعول منصوب
أهم حاجة بقى علامات إعراب المفعول به
لو الكلمة (مفرد - جمع تكسير ) تنصب بالفتحة
لو الكلمة ( مثنى - جمع مذكر سالم) تنصب بالياء
لو الكلمة ( جمع مؤنث سالم) تنصب بالكسرة
=====================================
عرفنا أن المفعول به نسأل عنه ب ( ماذا)
أمثلة
يكافىء المعلم المجتهد
يكافىء المعلم المجتهدين
يكافىء المعلم المجتهدين
يكافىء المعلم المجتهدات
يكافىء الرئيس العلماء
قرأت قصتين
كتبت درسين
المثال الأول ( يكافىء المعلم المجتهد)
يكافىء فعل مضارع مرفوع وعلامة رفعه الضمة من اللى يكافىء المعلم تبقى فاعل مرفوع وعلامة رفعه لحظة هنا آخرها (ان)لا طيب ( ون) لا يبقى علامة رفعه الضمة
المجتهد مفعول به منصوب وعلامة نصبه لحظه آخر الكلمة ( ين) لا طيب ( ات) لا تبقى علامة نصبه الفتحة لأنه مفرد
المثال الثانى ( يكافىء المعلم المجتهدين)
يكافىء فعل مضارع مرفوع بالضمة
المعلم فاعل مرفوع بالضمة مين اللى اتكافىء المجتهدين تبقى مفعول به
المجتهدين مفعول به منصوب وعلامة نصبه لحظة هنا آخرها ( ين) ايون تنفع تحذف ( ين) والمعنى يبقى سليم جرب كده المجتهد ايوه بقت مفرد حلو اوى يبقى علامة نصبه الياء لأنه مثنى طيب أفرض آخرها ( ين) ولو حذفناها المعنى مكنش سليم تبقى منصوبة بالفتحة علشان هتكون جمع تكسير ???? قولى مثال بسرعة ياسيدى كلمة ( الملايين ) احذف الياء والنون بقت الملاى
ايه ده فيه حاجة اسمها الملا ى لا تبقى جمع تكسير
المثال الثالث ( يكافىء المعلم المجتهدين)
يكافىء فعل مضارع
المعلم فاعل مرفوع بالضمة
المجتهدين سهلة بقى مفعول به منصوب بالياء لأنه جمع مذكر سالم????????
عارف انت يتفكر فى ايه ليه انت المجتهدين فى المثال الثانى منصوب بالياء لأنه مثنى والمثال الثالث منصوب بالياء لأنه جمع مذكر سالم رغم أن هما شكل بعض اعرف ازاى انا المثنى من جمع المذكر السالم ازاى
سؤال روعة الروعة بصوت مدحت شلبى☺
دائما نون المثنى مكسورة والياء اللى قبلها ساكنة
إنما الياء فى جمع المذكر ياء مد
المثال الرابع ( يكافىء المعلم المجتهدات)
يكافىء فعل مضارع المعلم فاعل
المجتهدات مفعول به منصوب وعلامة نصبه لحظة هنا آخر الكلمة (ات) yes تبقى منصوب بالكسرة لانها جمع مؤنث سالم وقلنا البنات مش بتحب الفتحة بتحب الكسرة
المثال الخامس ( يكافىء الرئيس العلماء )
يكافىء فعل مضارع الرئيس فاعل مرفوع بالضمة
العلماء مفعول به منصوب وعلامة نصبه لحظة كده آخرها ( ين أو ات) no تبقى علامة نصبه الفتحة
المثال اخير ( شاهدت عصفورين)
شاهد فعل ماضى مبنى على السكون أسأل ب(من ) علشان تعرف الفاعل مين اللى شاهد هتقول عصفورين والنبي ايه يعنى العصفورين اللى هيشاهد لا آمال مين انا حلو اوى بس كلمة انا مش موجودة فى الجملة شايف التاء إللى فى آخر الفعل دى بقى اسمها تاء الفاعل
يعنى شاهدت تبقى فعل وفاعل
ماذا شاهدت عصفورين تبقى مفعول به منصوب بالياء لأنه مثنى
خلاصة القاعدة
المفرد وجمع التكسير ينصب بالفتحة
المثنى وجمع المذكر السالم ينصب بالياء
جمع المؤنث السالم ينصب بالكسرة
ملاحظة أخيرة ( أصوات - أبيات - أوقات ) جمع تكسير مش جمع مؤنث سالم

الموضوع الأصلى : شرح درس المفعول به المصدر : منتديات رأفت الجندى الكاتب : محمد رأفت الجندى